Përzgjedhësi i Përfaqësueses së Kosovës, Alain Giresse, të premten ka publikuar listën për ndeshjet miqësore të këtij muaji kundër Armenisë dhe Ishujve Faroe.
Për këto miqësore, që zhvillohen në Prishtinë gjatë javës së ardhshme, Giresse ka ftuar 20 futbollistë, por nuk ka përfshirë emrat kryesorë si Vedat Muriqi, Milot Rashica e shumë të tjerë.
Ka ftuar edhe pesë futbollistë të Superligës, Lindon Emërllahun, Ermal Krasniqin e Lumbardh Dellovën të Ballkanit, si dhe Ilir Krasniqin e Llapit e Muharrem Jasharin e Dritës.
Sulmuesi Jetmir Topalli që po tregon formë të mirë te Istanbulspori është ftuar, sikurse edhe Mirlind Daku e Lirim Kastrati.
Ndërkohë FFK-ja e ka hequr listën, pasi nuk ishte finale dhe ka pasur ndryshime, ku nga lista është hequr Toni Domgjoni, ndërsa janë shtuar Kreshnik Hajrizi, Eris Abedini dhe Ermal Krasniqi.
Megjithatë edhe në listën e dytë finale nuk ishte i ftuar mbrojtësi i Ballkanit, Armend Thaqi ku ka ngjallur reagime të shumëta në mbarë opinionin.
Grumbullimi i Kosovës nis të hënën në mbrëmje në Prishtinë, ndërsa më 16 nëntor do ta luajë ndeshjen e parë ndaj Armenisë.
Tri ditë më vonë, Kosova do të përballet edhe me Ishujt Faroe, ndeshje këto që do të luhen në stadiumin “Fadil Vokrri”.
Këto miqësore, do t’i shërbejnë trajnerit Giresse për tra përgatitur ekipin për kualifikimet e Evropianit 2024, cikël ky që nis në muajin mars të vitit të ardhshëm.
