Ai në konferencën e thirrur për media ka thënë se sot i ka dërguar letër kryeparlamentarit Konjufca me të cilën i ka kërkuar mbajtjen e një seance ku në rend dite do të kishte interpelancën me kryeministrin Kurti.
“Sot ju kam drejtuar me një shkresë kryetarit të Kuvendit, Glauk Konjufca në të cilën shkresë i kam kërkuar pra që ta merr me urgjencë mbajtjen e një seance ku si pikë të rendit të ditës kam kërkuar interpelancë me kryeministrin Albin Kurti. Pra, si çështje për diskutim masat urgjente të Republikës së Kosovës në raport me situatën e krijuar në vend”, ka thënë ai.
Sipas Haradinajt, kryeministri Kurti ka zgjedhur skenarin më të keq të mundshëm në raport me Serbinë, e që sipas tij, këto veprime nuk kanë qenë në përputhje me kërkesën e SHBA-së.
“Situata politike dhe ajo e sigurisë në Kosovë është bërë ndët më të rëndat në këto 22 vjet. Serbia me aleatët e saj ka krijuar një skenar të destabilizimit të situatës në Kosovë duke urdhëruar përfaqësuesit serb të braktisin institucionet e Kosovës. Për fat të keq veprimet e institucioneve të Kosovës nuk kanë qenë në përputhje me situatën e krijuar, kryeministri i vendit në vend se të përfillë kërkesën e SHBA-së, për të shtyrë zbatimin e marrëveshjes për targat, ka zgjedhur skenarin më të keq zbatimin në faza të kësaj marrëveshje, me çka i ka dhënë hapësirë Serbisë edhe ta luaj rolin e viktimës edhe të ndërmarrë veprime antiKosovë”, tha ai.
Teksa ka përmendur edhe katër pikat e rezolutës që i ka propozuar Kuvendit për miratim.
- Qeveria e Kosovës të marrë vendim menjëherë për shtyerje të vendimit për targa deri në marrëveshjen finale për njohje me Serbinë.
- Qeveria të fillojë dialogun intensiv që serbët të kthehen në insitucionet e Kosovës dhe për të kthyer besimin e ndërsjellë.
- Qeveria të nisë komunikimin intensiv me faktorët relevant në vend duke përfshirë edhe opozitën jo vetëm si reflektim i gjendjes së krijuar por edhe si nevojë e gjetjes së rrugëdaljes nga situata
- Një samit në SHBA pra takim disa ditorë deri në përmbylljen e marrëveshjes finale Kosovë- Serbi./teve1.info./