Tahiri në fjalimin e tij në Kuvend i ka kërkuar ministres Haxhiu që të japë dorëheqje nga kjo pozitë, sepse sipas tij, është e turpshme që të ushtrojë këtë pozitë një ministre e sanksionuar prej SHBA-së.
“E nderuar ministre e sanksionuar e SHBA-ve, nuk e di a ka gjë më të padinjitetshme në këtë vend sesa me u sanksionu prej Shteteve të Bashkuara të Amerikës, prandaj ne po të shohim që e ki njëfarë sikleti të madh, e ki një telashe të madhe, reagon del akuzon. Nuk është e mirë as për mu me dalë me folë për një deputete e cila është e sanksionuar nga bota perëndimore dhe nga SHBA-të. Unë me qenë në situatën tënde vërtetë kisha dhënë dorëheqje sepse është e turpshme me ushtru pozitën e ministres së drejtësisë një njeri që sanksionet prej SHBA-së”, tha ai./teve1.info./