I njëjti përmban 9 pika, ku mes tjerash Kosova dhe Serbia obligohen të zgjidhin çdo mosmarrëveshje me mjete paqësore dhe do të përmbahen nga kërcënimi ose përdorimi i forcës.
Në këtë dokument citohet edhe mos-prekshmëria e territorit të asnjërës palë, duke respektuar integritetin territorial të njëra-tjetrës.
Njëra prej pikave specifikon se Kosova dhe Serbia do të shkëmbejnë Misionet e Përhershme, të cilat vendosen në selinë e Qeverisë përkatëse.
Mirëpo, vërtetësinë e përmbajtjes së këtij dokumenti e ka sfiduar njëri prej politikanëve që e ka parë dokumentin zyrtar.
Kreu i Aleancës për Ardhmërinë e Kosovës, Ramush Haradinaj, në emisionin “Këndi i Debatit” e ka përgënjeshtruar këtë dokument.
Dyshime në besueshmërinë e jo vetëm të këtij plani, por edhe publikimeve të më hershme ka edhe Kryetari i Partisë Demokratike të Kosovës, Memli Krasniqi.
Ndërkohë që ende nuk dihet versioni zyrtar i këtij propozimi, shefi i diplomacisë evropiane, Joseph Borell, ka konfirmuar se Kosova dhe Serbia i kanë dhënë qëndrimet e tyre rreth propozimit.
Kronika e gazetares Florijeta Dernjani.
