Këtë deklaratë ai e bëri në mbledhjen e sotme të Qeverisë së Kosovës.
Ndryshe më 28 tetor, Qeveria e Kosovës ka marrë masa të reja për qytetarët serbë pas mosndërrimit të targave në RKS.
Sipas këtij vendimi filluar nga data 1 nëntor deri në datën 21 nëntor do të jetë masa e qortimit, pastaj nga 21 nëntori deri më 21 janar do të jetë masa e gjobitjes. Nga 21 janari do të përdoren targa provuese për dy muaj të tjerë.
Kurse pas 21 prillit nuk mund të ketë sepse nuk mund të lejohen targa të tjera në Kosovë.
Me këto masa të Qeverisë nuk është pajtuar drejtori i Policisë së Kosovës për rajonin e veriut, Nenad Gjuriq, i cili për shkak të refuzimit të zbatimit të këtyre vendimeve ka dhënë dorëheqje nga ky post.
Kurse pas vendimit të tij edhe përfaqësuesit serb në institucionet e Kosovës kanë dhënë dorëheqje.
Ndryshe zbatimi i vendimit në faza, për çështjen e targave ilegale, ka ngjallur kritika të shumta të bashkësisë ndërkombëtare.
SHBA e BE janë shprehur të zhgënjyera me Qeverinë e Kosovës, pasi që nuk kishte përfillur kërkesat për shtyrjen e zbatimit të vendimit edhe për 10 muaj.
Kurse kërkesë për shtyerje të afatit për targa ka pasur edhe nga partitë opozitare në vend.
Në deklaratat e tij, Kurti është shprehur se nuk do të ketë shtyerje të këtij afati, por implementimi sipas tij, do të vazhdojë në datën e caktuar./teve1.info/
