Bëhet e ditur se gjatë bastisjes janë gjetur dhe sekuestruar 32 qese najloni tё ndara me substancë të dyshuar narkotike tё llojit marihuanë me peshё tё pёrgjithshme 1 kilogram e 118 gramë, telefona mobil dhe një veturë e markës Ford,
“Gjatë operacionit të bastisjes në vendin e ngjarjes, në flagrancë duke paketuar substancën narkotike, nga Policia janë arrestuar katër (4) persona tё dyshuar, si dhe janë sekuestruar si prova materiale dëshmitë si në vijim: Tridhjetë e dy (32) qese najloni tё ndara me substancë të dyshuar narkotike tё llojit Marihuan me peshё tё pёrgjithshme: 1 kg. e 118 gr. Tri qese të mbushura me substancë të dyshuar për narkotike lloji KOKAIN me peshë 0.79 gram, një peshore elektronike, katёr telefona mobil, veturë e markës Ford, disa qese plastike tё zbrazura qё dyshohet se do tё përdoreshin për paketimin e substancave narkotike”, thuhet në njoftim.
Në njoftim thuhet se të gjithë të dyshuarit me vendim të prokurorit janë ndaluar pёr 48 orë për procedura të mëtejme ligjore.
“Tё dyshuarit janё shoqёruar nё stacionin policor nё Prizren, ku janё intervistuar në prezenc tё avokatёve mbrojtёs tё caktuar sipas detyres zyrtare. Pas intervistimit tё tyre me Vendim mbi Ndalimin tё lёshuar nga Prokurori i Shtetit nё Prizren, tё gjithё tё dyshuarit ndalohen pёr 48 orë për procedura të mëtejme ligjore”, thuhet tutje./teve1.info./
