Cristian Volpato ka refuzuar ftesën e trajnerit të Australisë, Graham Arnold për Kupën e Botës Katar 2022.
Talenti i Romës, protagonisti absolut i ndeshjes kundër Veronës ku dha një asist dhe shënoi golin e dytë në Serie A, në fakt ka lindur në Camperdown, një periferi të Sidneit.
Të hënën më 8 nëntor, trajneri i Australisë ka nxjerrë listën me 26 lojtarët që do të nisen drejt Katarit. E mes tyre mund të ishte edhe Volpato, i cili megjithatë preferoi të refuzonte ftesën e trajnerit australian.
“Dje i thashë se ishte në mesin e 26 të thirrurve për Kupën e Botës. Ai u përgjigj se donte të mendonte dhe të fliste me njerëzit e afërt, të përpiqej të kuptonte se çfarë ishte më e mira për karrierën e tij. Më vonë ai vendosi të refuzonte mundësinë për të luajtur për Australinë në Katar”,-tha trajneri për mediet vendase.
Për rrjedhojë, Volpato do të mund të luajë sërish për Italinë.
“Ishte vendimi i tij. Cristian nuk donte të merrte një vendim kaq të rëndësishëm në këtë pikë të karrierës së tij dhe kjo është në rregull.”-shtoi ai.
Futbollisti i skuadrës Romës deri më tani ka veshur fanellën e Italisë në skuadrat e të rinjve të U-19 dhe U-20.
Lista e Australisë për Katar 2022:
Portierë: Matt Ryan (Copenhagen/DIN), Andrew Redmayne (Sydney FC), Danny Vukovic (Central Coast Mariners)
Mbrojtësa: Milos Degenek (Columbus Crew/USA), Aziz Behich (Dundee United/ESC), Joel King (OB/DIN), Nathaniel Atkinson, Kye Rowles (Hearts/ESC), Fran Karacic (Brescia/ITA), HarrySouttar (Stoke City/ING), Bailey Wright (Sunderland/ING) and Thomas Deng (Albirex Niigata/JPN).
Mesfushorë: Aaron Mooy (Celtic/ESC), Jackson Irvine (St. Pauli/GER), Ajdin Hrustic (Hellas Verona/ITA), Keanu Baccus (St. Mirren/ESC), Cameron Devlin (Hearts/ESC) and Riley McGree ( Middlesbrough/ENG)
Sulmuesa: Awer Mabil (Cádiz/ESP), Mathew Leckie (Melbourne City), Martin Boyle (Hibernian/ESC), Jamie Maclaren (Melbourne City), Jason Cummings, Garang Kuol (Central Coast Mariners), Mitchell Duke (Fagiano Okayama/JPN ) and Craig Goodwin (Adelaide United).
