Vedat Muriqi edhe një herë është shpallur më i miri i ndeshjes në La Liga, pasi shënoi golin e vetëm për Mallorcan, që barazoi 1:1 me Villarrealin.
Pika mund të jetë shumnë vlerë për Mallorcan në garën për ekzistencë.
Falë golit të Muriqit, Mallorca barazoi 1:1 me Villarrealin, të dielën, në ndeshjen e xhiros së 35-të të kampionatit spanjoll.
32-vjeçari shënoi në minutën e dytë të kohës shtesë në pjesën e parë, pas një gabimi të portierit të Villarrealit.
Për Muriqin është goli i 22-të i edicionit në elitën spanjolle. Ai tani ka vetëm dy më pak se Kylian Mbappe i Real Madridit.
Muriqi nuk kishte shënuar në tri ndeshjet e kaluara, por gjeti cakun të dielën për tjetër pikë të rëndësishme të Mallorcas.
Mallorca i ka tani 39 pikë dhe do ta vazhdojë deri në fund garën për mbetje në La Liga. Deri në fund janë edhe tri xhiro të tjera. Gara për mbijetesë në kampionatin spanjoll është shumë e fortë dhe me shumë skuadra të përfshira.
Villarreali është i treti me 69 pikë dhe ky barazim mund të vlerësohet i madh për Mallorcan që ishte vendase.
