I ftuar në emisionin “Info Nata” në Tëvë 1, Maloku e quajti “monstrum” si personalitet kryeministrin shqiptar, Edi Rama.
“Me e bë një analizë të përmbajtjes së lëvizjes së trupit, gjesteve fjalimeve që i ka bë Edi Rama p.sh në Prishtinë, del një monstrum si personalitet. Në kuptimin shumë negativ, bën batuta palidhje, jo serioze batuta me qen dhe për nënçmim të mentalitetit, kulturës që e kanë qysh na thonë ne kosovarëve dhe kjo është dmth një cinizëm që e çon një mesazh shumë të keq”, tha ai.
Madje, ai thotë se është çuditur për të mirë me faktin që kryeministri i Kosovës, Albin Kurti “nuk është lëshuar në përgjigje ndaj Ramës të cilat ndoshta i ka merituar në formë të njëjtë”.
“Më ka çudit për të mirë Kurti që nuk u lëshua në përgjigjet që ndoshta i ka merituar dhe ndoshta do t’ia kthej në Tiranë por mu duk mençuri tërheqja e tij se është edhe në mentalitetin tonë që mysafirin me e pritë por kjo është tradicionale në politikë nuk ka këso sendesh duhet të jemi shumë të ndjeshëm dhe të jemi pragmatik dhe praktik”, shtoi ai.
Tutje, profesori tregon edhe “shkaqet” pse Rama bën veprime të tilla, teksa përmend edhe batutën e kryeministrit shqiptar se është “vëllau i Vuçiqit”.
“Shpjegimi im është kompleksi i inferioritetit ndaj Serbisë që e ka edhe veten ai sot tha jam vëlla i Vuçiqit, e pranoi me batuta për shkak se ka shumë mëkate në këto dy dekadat e fundit. Në këtë dekadë të fundit sa ka qenë kryeministër p.sh ideja e ndërrimit të kufijve, ‘Open Balkan’, ai nuk është i ngarkuar nuk e ndjen dhimbjen me gjithë ato viktima sakrifica të Kosovës”, deklaroi ai./teve1.info/
