Kompania Rajonale e Mbeturinave “Pastrimi” Sh.A. ka njoftuar se mbrëmë ka larguar mbeturina vëllimore dhe inerte të hedhura në mënyrë të paligjshme në hapësira publike në disa lagje të kryeqytetit.
Nga kompania kanë bërë të ditur se hedhja e mbeturinave në hapësira publike është e kundërligjshme dhe dënohet me 500 euro gjobë nga Inspektorati i Komunës.
“Ky veprim është i jashtëligjshëm dhe dënohet me 500 euro gjobë nga Inspektorati i Komunës”, thuhet në njoftimin e “Pastrimit”.
Kompania u ka bërë thirrje qytetarëve që të mos hedhin mbeturina vëllimore dhe inerte në hapësira publike dhe të respektojnë rregullat për menaxhimin e mbeturinave./teve1.info/
