Shefi i Grupit Parlamentar të PDK,-së, Abelard Tahiri ka bërë të ditur se janë mbledhur 40 nënshkrime për seancë të jashtëzakonshme lidhur me rastin e arrestimit të kryeshefit të KEK-ut, Nagip Krasniqit.
Tahiri tha se kjo seancë do të nisë nesër në ora 11:00.
ADVERTISEMENT
Sipas tij, opozita do të kërkojë përgjegjësi për aktualitetin në Kosovë me rastin e arrestimit të Nagip Krasniqit.
“Sapo dorëzova kërkesën e mbështetur nga 40 deputetë për seancë të jashtëzakonshme të Kuvendit për nesër nga ora 11:00, ku do të kërkojmë përgjegjësi për aktualitetin e krijuar me rastin e arrestimit për korrupsion të zyrtarit të lartë të Lëvizjes Vetëvendosje, i emëruar nga pushteti në krye të KEK-ut.”, ka thënë Tahiri.
