Zyra e Rregullatorit për Energji (ZRrE) ka paralajmëruar shqyrtim të jashtëzakonshëm të tarifave të energjisë elektrike për vitin 2023.
Kryetari i Bordit të ZRrE-së, Ymer Fejzullahu, para Komisionit parlamentar për ekonomi të martën, tha se janë plotësuar të gjitha kushtet ligjore për këtë shqyrtim të tarifave.
Edhe pse nuk ka dhënë detaje se sa mund të shtrenjtohet energjia elektrike, ka theksuar se edhe ky vit do të jetë sfidues, pasi që çmimet e energjisë në bursat ndërkombëtare janë tejet të larta.
Duke paraqitur planin e punës për vitin 2023, Fejzullahu, tha se prioritet gjatë këtij viti është edhe rritja e konkurrencës në sektorin e energjisë , por edhe tregu i përbashkët me Shqipërinë. /kp/
