Këtë e ka bërë të ditur, ministri i Punëve të Brendshme, Xhelal Sveçla në Kuvendin e Kosovës, pas pyetjes nga deputetja e PDK-së, Ganimete Musliu.
“Koncept dokumenti do të analizojë gjendjen aktuale, do të përcaktojë objektivat që synohen të arrihen përmes Vettingut dhe do të ofrojë opsione që mund të ndiqen më pas që mund të themelohen mekanizmat e posaçëm për ta vazhduar këtë proces. Koncept dokumenti sipas planifikimeve duhet të përfundojë deri në fund të këtij viti”, ka thënë Sveçla, shkruan teve1.info.
Ai ka thënë se në bazë të programit të Qeverisë, Ministria për vitin 2022 ka planifikuar koncept dokumentin e zhvillimit të procesit për Vettingun në ministri dhe agjencitë e saj.
Qeveria synon Vetting edhe në sistemin e Drejtësisë, ku edhe është miratuar koncept dokumenti.
