Kusari-Lila ka theksuar se seanca ku do të diskutohet për Trustin do të mbahet të enjten.
“U mor vendim që nesër të ketë seancë me ato pika të papërfunduara, ndërkohe të enjten do të ketë seancë të re të Kuvendit ku do të shqyrtohet mes shumë projektligjeve edhe ai për Trustin Pensional”, ka thënë Kusari Lila.
Ajo ka thënë se askush nga Grupi Parlamentar i Vetëvendosjes nuk e përkrahë idenë e tërheqjes së këtyre mjeteve. Ajo thekson se ky është inat politik i opozitës
“Kjo nuk ka të bëjë me inate politike apo kokëfortësi tonën në raport me kërkesën. Por, sepse është e dëmshme dhe e shkatërron Trustin. Brenda Grupit Parlamentar të Vetëvendosjes nuk ka pasur asnjë zë që e ka kërkuar mbështetjen e kësaj iniciative. Nuk do ta mbështesim iniciativën”, ka thënë Kusari pas mbledhjes së Kryesisë së Kuvendit./Teve1.info/
