Javë më parë kryetari i Kuvendit, Glauk Konjufca, në emisionin Res/Publika kishte potencuar se nëse insistohet në asociacion jo-kushtetues asgjë më nuk do të kishte kuptim dhe se vendi duhet të shkojë në zgjedhje.
Këtë qëndrim të hënën i pari i Kuvendit e avancoi edhe më tej, ai tha se nëse kërkohet asociacion jashtë kushtetutës, Kosova duhet të heq dorë nga dialogu.
Njohësi i çështjeve politike Melazim Koci thotë se qasja e kryetarit të Kuvendit është e duhur, por sipas tij, një pjesë të fajit për këtë situatë e kanë edhe vet institucionet e Kosovës.
E ardhmja e procesit të asociacionit ka mbetur të diskutohet në takimet e ardhshme në Bruksel, mbi bazën e dy dokumenteve, draftit të ekipit menaxhues dhe atij që ka dorëzuar kryeministri Kurti.
Kronika e realizuar nga gazetari Valmir Gallopeni
