Në njoftim thuhet që Policia së bashku me Prokurorinë e shtetit, ka punuar intensivisht për lokalizimin dhe kapjen e personit të dyshuar.
Teksa pas hetimeve sipas Policisë, është lokalizuar edhe vendndodhja e të dyshuarit i cili gjendej në fshatin Davidovc të komunës së Shtimes.
Sipas Policisë, fillimisht është aplikuar masa e negocimit me të dyshuarin për t’i mundësuar të njëjtit dorëzimin, por që sipas tyre, i njëjti nuk është dorëzuar dhe me armës zjarri ka kryer aktin e vetëvrasjes.
“Policia e Kosovës me njësitet relevante, ka ndërmarrë të gjitha veprimet e nevojshme policore përfshirë masat e sigurisë në këtë lokacion, si dhe ka aplikuar masat e negocimit me personin e dyshuar për t’i mundësuar të njëjtit dorëzimin.Përkundër të gjitha masave të ndërmarra dhe tentativës për negocim, nga njësitet dhe kompetentët policorë i njëjti nuk është dorëzuar dhe me armës zjarri ka kryer aktin e vetëvrasjes”, thuhet në njoftim.
Policia njofton gjithashtu se lidhur me rastin janë duke vazhduar veprimet e mëtejme nga njësitet relevante policore, përfshirë ekzaminimin e vendit të ngjarjes, përderisa për procedura të mëtejme janë informuar Prokuroria dhe Inspektorati Policor i Kosovës./teve1.info.
