Presidentja e Kosovës, Vjosa Osmani, ka thënë se takimi i liderëve të rajonit në kuadër të procesit të Procesit Bërdo-Brione, ka qenë më konstruktive i mbajtur ndonjëherë.
Ajo pas takimit të së hënës i mbajtur në Maqedoninë Veriore, ka thënë se të gjitha shtetet janë pajtuar për temat e propozuara ku ka dominuar ajo e integrimit evropian.
Osmani tha se ka pasur pajtim edhe për gjuhën e deklaratës për të cilin siç tha ajo, kanë bërë një kompromis
“Takimi më konstruktiv qe ka qenë ndonjë herë, nuk ka pasur mos dakoordim për temat e propozuara në deklaratë. Kishte dhe një dakoordim rreth gjuhës që duhet të përdoret në deklaratë. Pak a shumë integrimi evropian ishte tema kryesore e takimit”, ka thënë ajo në një deklarim për media, përcjell teve1.info.
Temë tjetër e këtij takimi ishte agjenda e gjelbër dhe ikja e të rinjve.
Në këtë takim ku i pranishëm ishte edhe presidenti serb, Aleksander Vuçiq, Osmani tha se ka ngritur edhe çështjen e ballafaqimit me të kaluarën si dhe ka përmendur që shtetet e rajonit duhet plotësuar kushtet për anëtarësim në BE e që janë lufta kundër kirmit dhe korrupsionit e deri të zhvillimi i demokracisë.
Osmani gjatë pjesëmarrjes në këtë samit ka zhvilluar takime edhe me homologë të saj.
