Sipas Nikaj, kjo qasje joserioze, është njëra nga arsyet që Kosova nuk po arrin asnjë rezultat në realizimin e objektivave shtetëror, raporton teve1.info.
“Kryeministri po tërhiqet nga zbatimi i vendimeve të tij edhe po vendos Kosovën në pozicione të kundërta me partnerët ndërkombëtar. Kryeministri ka vendosur në mënyrë të njëanshme që ta shtyjë zbatimin e vendimit për gati 6 muaj duke u tërhequr nga qëndrimi i tij, por edhe duke sjellë Kosovën në pozitë të pafavorshme në raport me Shtetet e Bashkuara të Amerikës. Kjo qasje joserioze Kosovën po e shndërron në palë destruktive dhe po e vë në pikëpyetje mbështetjen ndërkombëtare për vendin, e mbi të gjitha nuk po arrin rezultat në realizimin e asnjë objektivi shtetëror”, deklaroi Nikaj të shtunën në konferencë.
Më tej, Nikaj theksoi se në këtë situatë qëllimi i Qeverisë aktuale do të duhej të ishte zbatimi pa shtyrje të mëtejmë i vendimit legjitim në funksion të sundimit të ligjit në veri të vendit, ose koordinimi i plotë me partnerët ndërkombëtar për të fuqizuar pozicionin e Kosovës në procesin e dialogut.
“Por, me vendimin e Qeverisë nuk u arrit asnjëra nga këto qëllime”, shtoi tutje Nikaj.
Dje Qeveria e Kosovës në mbledhjen ka marrë vendim të ri lidhur me konvertimin e targave ilegale, të lëshuara nga Serbia, në ato RKS. Kryeministri Albin Kurti, ka propozuar shtyrjen e zbatimit të vendimit për targat. /Tëvë1.info/.
