Kryenegociatori i Kosovës në Bashkimin Evropian, Jeton Zulfaj, ka thënë se dy problemet kryesore në procesin e integrimit evropian të Kosovës janë pesë shtetet anëtare të BE-së që ende nuk e njohin pavarësinë e saj dhe dialogu me Serbinë.
Zulfaj ka theksuar se me pesë shtetet që nuk e kanë njohur Kosovën duhet të punohet veçmas, ndërsa ka përmendur edhe përparimin në raportet me disa prej tyre.
“Dy problemet kryesore në procesin e integrimit në Bashkimin Evropian të Kosovës janë pesë shtetet e BE-së që nuk na njohin, si dhe dialogu me Serbinë”, ka deklaruar në emisionin “Këndi i Debatit” në Tëvë1.
“Me pesë shtetet që nuk na njohin duhet punuar në veçanti. Kemi bërë disa progres, si me Greqinë dhe Sllovakinë. Ne jemi të hapur për dialog me Serbinë dhe për përfundimin e këtij procesi”, ka thënë ai.
