Ai ka thënë se qëndrimi i tij me të Kurtit për këtë është i njëjtë.
Konjfuca në përgjigjen që i bëri deputetja e PDK-së, Blerta Deliu, tha se asgjë nuk mund ta ndryshojë të kaluarën e tij, duke thënë se është një kriminel.
“Mendimi im dhe i kryeministrit për Ivanoviqin është i njëjti. Ai që ka qenë gjithmonë. Asgjë nuk mund ta ndryshojë biografinë politike që e ka pasur Ivanoviq, përgjegjësia e tij në të gjitha ato dëme që janë shkaktuar, ato dëme popullit tonë janë evidente… ai është kriminel pa kurrfarë dyshimi”,ka thënë Konjufca, transmeton teve1.info
Konjufca potencoi se këtë e kanë thënë shumë më parë se ta vendoste drejtësia këtë çështje.
Pas kësaj ndërhyri deputeti i LDK-së, Arben Gashi, i cili i lexoi deklaratën se çfarë ka thënë Kurti. E Konjufca tha se Kurti nuk ka ndryshuar qëndrim sa i përket asaj çfarë ka bërë Ivanoviq, por në deklaratën e tij ka dashur ta përçojë mesazhin se ai është vrarë nga Vuçiq.
“Kryeministri vetëm ka deshtë të thotë se ai njeri është vrarë prej Aleksandar Vuçiqit dhe kjo duhet të hetohet nga drejtësia jonë dhe ajo ndërkombëtare. Ky ka qenë mesazhi që ka deshtë ta përçojë kryeministri Kurti dhe këtë e ka bërë. Mendoj se kryeministri Kurti nuk ka ndryshuar asnjë qëndrim sa i përket asaj çfarë ka bërë Ivanoviq”, tha Konjufca.
