Enlirat Duraku nuk është i kënaqur më kushtet e tij të punës si infermier.
Duraku i cili punon në Qendrën Klinike Universitare të Kosovës, që nga vitit 2018 është duke parashtruar kërkesat e njëjta e të cilat sipas tij, nuk po plotësohen.
Pagesa e orëve shtese, e punës gjate vikendeve, e punës gjate festave, janë disa prej kërkesave të tij.
E nëse këto kërkesa nuk iu plotësohen deri me 26 shkurt, ai do të hyjë në grevë.
Duraku për ketë thotë se nuk ka mbështetjen e Odës së Infermierëve, por kërkon që të gjithë kolegët e tij ti bashkohen grevës.
Televizioni ka provuar të marrë edhe një qëndrim nga Oda e Infermiereve, por kryetarja e kësaj Ode ka thënë se është jashtë vendit.
Kjo nuk është hera e parë që Enlirat Duraku hynë në grevë, edhe gjatë kohës së pandemisë në vitin 2020 ai kishte ndërprerë punën për 20 ditë në kërkim të plotësimit të kërkesave që lidheshin me pagesat e punonjësve shëndetësor.
