Hoti deklaroi se Samiti i Bashkimit Evropian me vendet e Ballkanit Perëndimor sot ishte mjaftë dëshpërues pasi që thotë se nuk dha asnjë dritë të gjelbër për Kosovën dhe për vendet e rajonit.
Ai theksoi se kjo qasje e BE-së sot e vazhdoj izolimin e rajonit dhe e zbehi perspektivën evropiane.
“Samiti i BE-së me vendet e Ballkanit Perëndimor sot ishe jashtëzakonisht dëshpërues sepse nuk dha asnjë dritë të gjelbër për Kosovën, nuk dha asnjë dritë të gjelbër as për Shqipërinë as për Maqedoninë Veriore, në njëfarë mënyre vazhdoi izolimin e rajonit një pikë kjo që është duke e dëmtuar rajonin dhe duke e zbehur perspektiven evropiane që nga viti 2001 dhe unë mendoj se kjo qasje e BE-së është e dëmshme për rajonin dhe kjo duhet të ndryshojë sa ma shpejt që të jetë e mundur”, tha Hoti.
I ftuar në emisionin “Ditari” në Tëvë1,njohësin e Integrimeve Evropiane tha se Kosova tashmë i ka përmbushur të gjitha kriteret për liberalizim të vizave madje thotë se i ka dyfishuar ato.
“Kosova i ka përmbushur të gjitha kriteret për liberalizim të vizave, madje dyfishin kritereve krahasuar me vendet e rajonit dhe kjo saga se do t’i hekim vizat është bërë e tepërt”, tha Hoti.
Në samitin e mbajtur të enjten në Bruksel nuk u dhanë sinjale pozitive për sa i përket liberalizimit të vizave për Kosovën. Në këtë samit mori pjesë presidentja e Kosovës, Vjosa Osmani. Ajo në fjalimin e saj kërkoi që të merret vendimi pozitiv për Kosovën.
