Deputeti i VV-së, Ardian Gola, ka thënë se profesorët universitar janë në heshtje për të nxitur dialog shoqëror sa i përket cilësisë në arsim.
Gola i cili nga kjo heshtje thotë se nuk e përjashton vetën, pasi edhe ai është profesor universitar, ka thënë se stafi akademik janë shumë të heshtur për disa çështje, për të cilat sipas tij ata do të duhej të ishin më të zëshmit.
“Fatkeqësisht ata që duhet me nxitë këtë dialog shoqëror janë kogja në heshtje, janë profesorët e universitetit që më thënë të drejtën aty po e shti edhe vetën personalisht. Unë i shoh komplet të heshtur në shumë çështje për të cilat do të duhet të ishin zëri më i veçuar edhe më i lartë në këtë debat social. Unë edhe mund të kem mirëkuptim për shumicën prej tyre pasi edhe klima publike për të diskutuar racionalist është kogja joatraktive dhe ngulfateshe me nevojën për të prodhuar spektakël, sensacion dhe nuk po dëshiron askush më u marrë…ka edhe do që janë të papërgjegjshëm dhe mendojnë që e kryn misionin e vet duke dhënë mësim. Mendojë që profesori universitarë, sidomos po flas për institucionet publike e ka obligim me luajte edhe rolin e vet publik…”, ka deklaruar Gola në emisionin “Info Nata” në Tëvë 1.
