Presioni ndaj qeverisë Kurti po vazhdon të rritet.
Nga blloku evropian nuk e kanë përjashtuar mundësinë që të vendosin të masa të reja ndaj qeverisë së Kosovës, në rast se kjo e fundit nuk i zbaton kërkesat e komunitetit ndërkombëtar.
Meqë sipas tyre, Kryeministri i vendit Albin Kurti akoma nuk ka marrë masa që t’i zbusë tensione ne pjesën veriore të vendit.
Megjithatë politikani socialdemokrat, Nenad Çanak, thotë se Kryeministri Kurti është duke e respektuar ligjin, ndërsa ka kritikuar qasjen e Perëndimit karshi Kosovës.
Sipas tij politikanët serb kanë gabuar që nuk kanë marrë pjesë në zgjedhjet lokale, prandaj edhe nuk kanë të drejtë t’i pengojnë tjerët që të qeverisin.
“ Është e drejta e juaj të vendosni t’i bojkotoni zgjedhjet, por ju nuk keni fare të drejtë t’i pengoni të tjerë të qeverisin nga institucionet, kjo e minon demokracinë e një vendi. Prandaj në këtë rast, Kryeministri Kurti është duke e respektuar rendin edhe e ligjin, kjo është mese e qartë. Por siç edhe po e shohim fokusi i Shteteve të Bashkuara të Amerikës dhe i Bashkimit Evropian është diku tjetër. Interesi i tyre është që të afrojnë Vuçiqin sa më afër perëndimit, prandaj edhe po i mbyllin sytë. E në këtë skenar çmimin më të madh është duke e paguar Kryeministri Kurti, por çfarë të bësh kjo është politika. Nuk është hera parë që Perëndimi harron se çfarë se vlera përfaqëson”, thotë Çanak.
Në anën tjetër, publicisti Fatos Lubonja thotë se Perëndimi e ka më të lehtë që t’i bëjë presion Kosovës, prandaj edhe po vepron në këtë mënyrë.
Tutje Lubonja vlerëson se me këtë qasje të Perëndimit nuk do të ketë normalizim të plotë të marrëdhënieve mes Kosovës dhe Serbisë.
Tensionet në veri nisën me 26 maj, ditën kur kryetarët e tri komunave dolën në zyrat komunale.
Këtë veprim, qytetarët serb e kundërshtuan përmes protestave, që në ditët e para ishin të dhunshme.
