Ministri i Punëve të Brendshme, Xhelal Sveçla tha se kompleksi “Rajska Banja” në Banjskë të Zveçanit që u morr nën kontroll nga Agjencia Kosovare të Privatizimit, ishte pronë e kësaj Agejncie.
Sveçla ka deklaruar se kjo është mësim për të gjithë ata që duan të investojnë jashtëligjshëm se nuk mund ta bëjnë një gjë të tillë.
Ai, gjatë konferencës me drejtorin e Përgjithshëm të Policisë së Kosovës, Gazmend Hoxha, foli edhe për menaxhimin e këtij kompleksi tash e tutje, ndërsa tha se destinimin final të këtij objekti do ta përcaktojnë ndërkohë.
“Pronare e këtij kompleksi është AKP dhe për këtë nuk ka kurrfarë dyshimi, pse dikush ka investuar jashtëligjshëm, ky është mësim për të gjithë ata që duan të investojnë jashtëligjshëm se nuk mund ta bëjnë”, tha Sveçla.
Ministri i Brendshëm ka shtuar se sa i përket menaxhimit të atij kompleksi është rezultat i bashkimit të dy ministrive MPB dhe ish-ministrisë së Administratës Publike.
“Ish-Ministria e Administratës ka Departamentin e menaxhimit të objekteve të llojeve të tilla në pronësi të shtetit. Kjo është arsyeja pse e kemi marrë në menaxhim këtë objekt”, u shpreh Sveçla.
