Një 34-vjeçar është gjetur pa shenja jete në një lumë në “Skollovc” të komunës së Hanit të Elezit.
Lajmin për tëvë1.info e ka konfirmuar zëdhënësi i policisë për rajonin e Ferizajt, Kanun Veseli i cili tha se Njësitë e Hetimeve Rajonale dhe Forenzikës kanë dalë në vendin e ngjarjes, ndërsa ekipet emergjente kanë nxjerrë trupin nga uji.
Sipas policisë, nga ekzaminimet fillestare nuk janë vërejtur shenja të dukshme të lëndimeve.
Me urdhër të prokurorit, trupi është dërguar në IML në Prishtinë për autopsi dhe përcaktimin e shkakut të vdekjes.
Kurse, policia ka bërë të ditur se rasti është duke u hetuar nga njësitet kompetente policore.
“Më 12.08.2026, në fshatin Dërmjak, Komuna e Hanit të Elezit, në vendin e quajtur “Skollovc”, është gjetur një person pa shenja jete në një lumë. Njësitë e Hetimeve Rajonale dhe Forenzikës kanë dalë në vendin e ngjarjes, ndërsa ekipet emergjente kanë nxjerrë trupin nga uji. Mjeku kujdestar i QKMF-së në Han të Elezit ka konstatuar vdekjen e viktimës, mashkull, 34-vjeçar, shtetas i Kosovës. Nga ekzaminimet fillestare nuk janë vërejtur shenja të dukshme të lëndimeve. Me urdhër të prokurorit, trupi është dërguar në IML në Prishtinë për autopsi dhe përcaktimin e shkakut të vdekjes. Rasti është duke u hetuar nga njësitet kompetente policore”, thuhet në përgjigjen e policisë./teve1.info/
