Për herë të dytë nëpër duart e numëruesve po kalojnë fletëvotimet e 914 vendvotimeve.
34% – shi i votave në nivel vendi, pas dyshimeve për mospërputhje votash të kandidatëve për deputetë, po iu nënshtrohen procesit të rinumërimit në Qendrën për Numërim dhe Rezultate.
Ky proces llogaritet se do të zgjasë për disa ditë.
Përkundër kësaj, vlerësohet se nuk do të marrë kohë si herave të kaluara.
“Nuk pres të tejzgjatet sidomos jo sikur herën e kaluar, në zgjedhjet e shkurtit, ku u vonu procesi i certifikimit. Unë shpresoj se do të bëhet më shpejtë kësaj radhe, pasi ka pasur më pak kontestime. Mirëpo, megjithatë procesi është proces dhe unë nuk pres që diku deri kah mesi i shkurtit kur të krijohen ato kushtet për thirrjen e seancës konstituive të Kuvendit”, deklaroi analisti politik, Adrian Zeqiri.
E në rastet kur veçse janë treguar mospërputhje votash të kandidatëve për deputetë, konsiderohet se janë hapur rrugët për ndjekje penale.
“Çdo votë e cila manipulohet dhe i mohohet e drejta secilit kandidat të votohet mirë, por edhe secilit qytetarë të drejtën e votës, atëherë kjo është vepër penale dhe natyrisht i hapet rrugë prokurorisë sipas detyrës zyrtare, që në ato kuti votimi ku është konstatuar mospërputhje të fillojë hetimet dhe të ngrisë aktakuzë ndaj personave apo zyrtarit i cili ka manipuluar votën”, thotë Anton Nrecaj nga Instituti Clard.
Në dhjetë komuna janë rinumëruar 100% e vendvotimeve, ndërsa në 28 të tjera nga 10% e vendvotimeve.
