Lajmin për Tëvë 1 e ka konfirmuar zëdhënësja e Gjykatës Speciale, Angela Griep.
Ajo bëri të ditur se vendimin për lejimin e vizitës së tij në Kosovë e kanë bërë për “arsye humanitare bindëse”.
Tutje, përmes përgjigjes ajo bëri të ditur se Gucati do të takojë familjen e tij të ngushtë, teksa shtoi se për vizitën e tij janë duke asistuar EULEX-i dhe Policia e Kosovës.
“Për arsye humanitare bindëse, paneli i Apelit ka udhëzuar Zyrën Administrative që të menaxhojë një vizitë nën mbikqyrje në Kosovë të z. Gucati për të takuar familjen e ngushtë. I akuzuari mbetet në paraburgim të Dhomave të Specializuara. EULEX dhe Policia e Kosovës po mbështesin Dhomat e Specializuara të Kosovës”- thuhet në përgjigje.
Ndryshe, gjatë ditës janë publikuar disa pamje në media ku shihej Gucati në oborrin e QKUK-së i cili shkoi për të vizituar nënën e tij të sëmurë./teve1.info/
