Për zgjedhjet e 23 prillit në katër komunat veriore, Ministri për Komunitet dhe Kthim, Nenad Rashiq, thotë se aktualisht nuk është një klimë e mirë për tu mbajtur zgjedhjet atje.
Se cila mund të jetë arsyeja kryesore për tensionimet e vazhdueshme në atë pjesë të vendit, Rashiq deklaroi se mos pluralizmi i serbëve të Kosovës, ka dërguar deri tek këto situata pa zgjedhje.
“Klima për t’i mbajtur zgjedhjet nuk është e mirë, e kjo nuk është diçka e re. Në këtë rast nuk është një situatë e mirë për mbajtjen e zgjedhjeve. Mua më duket një situatë humbje-humbje, që do të thotë humbje në cilën do anë. Tani jemi në një kulminim të situatës. Po të kishim pasur një përfaqësim të serbëve autentik të Kosovës, nuk do t’i kishim këto probleme siç janë tani, qoftë edhe ato me barrikadat. Pra, edhe një herë u dëshmua që problemi kryesor është mos pluralizmi i serbëve të Kosovës, e kjo na dërgon deri tek një situatë pa zgjidhje”, potencoi Rashiq në emisionin “Infonata”.
Ndërkaq, i pyetur se a pritet të dielën (23 prill), Beogradi përmes mekanizmave të tij, ta dështojë procesin zgjedhor në çfarë do mënyre, Rashiq tha se mund të ketë pengime, parandalime, e kërcënime, ndaj votuesve serbë, raporton teve1.info.
“Duke dikur përfaqësuesit e regjimit, duke ditur eksperiencat që 11 vite, nuk është kjo një metodologji e re dhe nuk duhet të jemi të befasuar se çka po veprohet në anët e Vuçiqit. Të dielën nuk pres diçka tjetër, përveç ndonjë pengim, parandalim, jo ndoshta bash në vend të votimeve, por mund t’i presin rrugëve, duke i kërcënuar, përmes pozitave e institucioneve zyrtare”, theksoi tutje Rashiq në Tëvë1./teve1.info/.
