Këshilli Nacional Shqiptar është bërë me udhëheqje të re. Janë katër parti shqiptare në Luginë që do të drejtojnë tri vjetët e ardhshme këtë institucion. E me këtë nuk po pajtohet kreu i Alternativës për Ndryshim, Shqipërim Arifi i cili akuzon kryeministrin Albin Kurti dhe Lëvizjen Vetëvendosje se paguan rivalet e tij politik. Por nga partia e Kurtit i kanë mohuar këto akuza të kreut të Preshevës.
Javëve të fundit, në Luginën e Preshevës, kryetemë ka qenë Këshilli Nacional Shqiptar.
E për të udhëhequr me këtë institucion, Partia për Veprim Demokratik, Partia Demokratike Shqiptare, Lëvizja e Progresit Demokratik dhe Partia Demokratike u bënë bashkë kundër Alternativës për Ndryshim. Andaj edhe këto zgjedhje, u fituan nga koalicioni i përbashkët.
Kryetari i APN-së, njëherit edhe i parti i komunës së Preshevës, Shqiprim Arifi thotë se për këtë marrëveshje kundër subjektit të tij, partitë shqiptare u paguan nga Qeveria Kurti dhe Lëvizja Vetëvendosje.
E nga kjo fitore e përbashkët, mandati i kryetarit për KNSH-në u nda me dy kryetarë. Një vit e gjysmë këtë institucion do ta drejtojë Nevzad Lutfiu nga LPD-ja, ndërsa dy vite të tjera përfaqësues të PVD-së
Sipas Nevzad Lutfiut, akuzat e të parit të Preshevës janë të pavërteta.
E pas Lutfiut, në krye të KNSH-së do të vijë një përfaqësues nga PVD-ja.
Enkel Rexhepi nga ky subjekt politik thotë se koalicioni u bë për të mos u shuar Këshilli Nacional Shqiptar.
Për këto akuza, Tëvë1 ka kontaktuar edhe Lëvizjen Vetëvendosje.
“Deklaratat e z. Shqiprim Arifi nuk qëndrojnë fare dhe janë tërësisht të pavërteta në raport me atë se çfarë ka thënë ai për LV-në. Dhe si të tilla nuk është se dojnë më shumë koment”, ka thënë zëdhënsi Arlind Manxhuka.
Të dielën, rezultatet e zgjedhjeve me elektorë për Këshillin Kombëtar Shqiptar, ishin 320 vota për koalicionin dhe 187 vota për APN-në.
Kronika e realizuar nga gazetarja Fetije Kamberi
