Në një konferencë të jashtëzakonshme për media, ai foli pas mbledhjes së Këshillit të Sigurisë Kombëtare ku u diskutua situata në veri të vendit.
“Pas 23 vitesh nga përfundimi i luftës Serbia kërcënon sërish me luftë dhe rikthimin e trupave të saj ushtarake të cilët para gati një shekulli patën kryer kundër popullit tonë dhe digjën pasurinë tonë… Beogradi zyrtar sot po flet po sillet si para 23 viteve dhe madje udhëhqiet nga një kastë e njëjtë politikanësh me krye ish-ministrin e informatave të Millosheviçit… Serbia nuk po e sheh se kërkon rikthim në Kosovë kërkon të vahdojë luftën të cilën e humbi dhe kapitullimin e pranoi asokohe në Kumanovë më 9 qershor 1999. Andaj edhe mohimi i shtetit të Kosovës dhe pavarësiëë nga Serbia përbën kërcënim të vazhdueshëm jo për shtetin tonë por edhe ekzistencën tonë”, tha ai.
Kurti u shpreh duke kuptuar ndjeshëmrinë e rastit kanë toleruar shtyrje të vendimeve në koordinim me partnerët ndërkombëtarë.
Por, sipas tij Serbia përmes grupeve kriminale ka shfrytëzuar mungesën e sundimit të ligjit, dhe presidenti serb, Vuçiq por kërkon luftë.
“Fatkëeqësisht Serbia përmes grupeve kriminale dhe duke shfrytëzuar këtë ambient të mungesës së sundimit të plotë të ligjit ka mbajtë për një kohë të gjatë qytearët serbë. Duam të veprojmë me kujdes duke kuptuar ndjeshmërinë ndaj situatës këtë e kemi dëshmuar dhe gjithë kohës në fakt për shkak të brishtësisë situatës atje dhe partneritetet tanë evropianë dhe amerikanë i kemi toleruar shtyrje disa herë të zbatimeve të vendimeve tona por çdo shtyerje edhe i skadon afati ne nuk kemi hequr dorë nga asnjë vendim që kemi marrë sepse nuk mund të heqim dorë nga ligshmëria e nga obligimet që i kemi për shkak të përgjegjësisë që i kemi marrë. Paligjshmëria nuk do të tolerohet në ansjë pjesë të vendit tonë. Duhet të distanochen nga grupet kriminale dhe nga regjimi i Vuçiqit i cili po i financon dhe dirigjon dhe po kërkon luftë”, tha ai.
Tutje, Kurti bëri të ditur se pas mbledhjes së Këshillit të Sigurisë Kombëtare erdhën në përfundim që të ketë më shumë vigjilencë e gatishmëri nga institucionet e vendit.
“Me pjesëtarët e mbledhjes të KS ne diskutuam së bashku dhe erdhëm në përfundimet e mira për më shumë vigjilencë dhe gatishëmri të të gjitha institucioneve të Kosovës me detyra të veçanta edhe të MPJD edhe asaj të Brendshme në mënyrë që të mundësohet vendosja e paqes e sigurisë e ligjshmërisë dhe kushtetueshmërisë”, shtoi ai./teve1.info/
