Sipas tij, kjo nuk është e vërtetë.
Në mbledhjen e Qeverisë, Kurti tha se dokumenti për hyrje-dalje është dokument shtesë, i cili sipas tij jepet pa pagesë dhe më të mund të merren edhe shërbime të tjera në institucionet e Kosovës, raporton Teve1.info
“Kam dëgjuar për lajmin e rremë se dokumentet serbe do të konfiskohen në kufi në këmbim të dokumentit për hyrje-dalje, kjo nuk është e vërtetë. Dokumenti për hyrje-dalje është dokument shtesë i cili jepet pa pagesë dhe me të cilin mund të merren edhe shërbime të tjera në institucionet tona shtetërore gjatë qëndrimit në Kosovë”, ka deklaruar ai.
Ai thotë se në pikat kufitare mes Kosovës dhe Serbisë nga data 1 gusht ishin lëshuar 2679 dokumente për hyrje-dalje dhe për këtë tha nuk është shënuar asnjë incident.
“1 gusht për aq sa ishte vendimi në fuqi në pikat kufitare ndërmjet Kosovës dhe Serbisë ishin lëshuar 2679 dokumente për hyrje-dalje. Asnjë incident nuk ishte shënuar edhe asnjë ankesë nuk ishte deponuar. Askush nuk është imun ndaj lajmeve të rreme dhe dezinformatave, ndërkaq rreziku i tyre është shumë i madh. Sot dezinformimi paraqet rrezik për sigurinë kombëtare”, theksoi Kurti
Po ashtu, Kurti tha se barrikadat në veri nuk vijnë nga poshtë por vendosen nga lart.
“Ne e dimë që barrikadat që rëndom vendosen në veri nuk vijnë nga poshtë por vendosen nga lart. Ato as nuk përfaqësojnë juve qytetarë tanë e as nuk ju mbrojnë ju, kurse në anën tjetër Policia e Kosovës dhe institucionet e tjera të sigurisë edhe përbëhen nga qytetarë tanë pa dallim edhe janë në shërbim të qytetarëve tanë pa dallim”, tha më tej kryeministri Kurti. /teve1.info/
