Një incident zjarri ka ndodhur orët e para të mëngjesit në fshatin Lloshkobare të Ferizajt.
Sipas ankuesit, objekti ku po i mbante 750 zogj është djegur bashkë me pajisjet për rritjen e tyre.
“Sipas ankuesit në këtë objekt ishin 750 zogjë në vlerë prej 1875 euro, pajisje për zogjë në vlerë prej 5600 euro si dhe dëmtimi i objektit ( kulmi) rreth 8500 euro “, ka thënë për teve1.info Kanun Veseli, zëdhënës i policisë për rajonin e Ferizajt.
Në vendin e ngjarjes kanë dalë edhe hetuesit dhe krimteknikët të cilët po e hetojnë rastin.
Teve1.info ka kontaktuar edhe me të dëmtuarin Shemsi Selmani. I njëjti nuk e përjashton mundësinë që dikush ta ketë kryer qëllimisht aktin.
“Unë fillimisht e kam pa një zog i cili ka qenë jashtë edhe po të ishte defekt elektrik nuk do të ishte as ai gjallë. Kabllot të gjitha i kam të mira e të reja prandaj s’ka pasë mundësi rryma me shkaktu atë djegie”, ka thënë shkurt Selmani.
