Abdullahu në emisionin “Info Nata” theksoi se qeveritë e kaluara për dallim nga Qeveria Kurti në rend të parë e kanë vendosur bashkëpunimin mes Kosovës dhe ShBA-ve.
“Kjo qeveri e anashkalon bashkëpunimin e mirëfilltë me Shtetet e Bashkuara të Amerikës. Këtë hezitim Vetëvendosja si koncept politik partiak, si ideologji majtiste që ka shku në majtizëm ekstrem, që tash si qeverisje është konvertuar në diktaturë populiste, e ka gati të pa mundshme ta bëjë të njëjtën që e kanë bërë qeveritë e kaluara në Kosovë, që në rend të parë ta vënë bashkëpunimin me SHBA-në “, tha ai.
Tutje zëdhënësi i PDK-së, deklaroi se kryeministrin Albin Kurti nuk e kanë pritur në Shtëpinë e Bardhë për shkak të opozitarizmit të tij të dikurshëm dhe politikave të tashme qeveritare.
“Kjo Qeveri i anashkalon Shtetet e Bashkuara të Amerikës, për më keq ShBA-të janë të vetëdijshme për diçka të tillë. Është e pashpjegueshme s’ka kush që e demanton këtë që do ta them se në ShBA kryeministrin Kurti nuk e kanë pritë në Shtëpinë e Bardhë , nuk e kanë pritë kjo është alarmante për neve, për shkak të gjithë opozitarizmit të tij dhe për shkak të politikave të tashme qeveritare “, shtoi ai./teve1.info./