Ofrimi i një ambient të sigurt për të gjithë personat është i rregulluar me ligjet e Kosovës.
Por kjo nuk po del të jetë e tillë në terren.
Kjo meqë rastet e keqtrajtimit të personave të kategorisë së ndjeshëm po vazhdon.
E se si trajtohen këto raste e tregoi avokati Asdren Bytyqi.
“Kodi Penal i Republikës së Kosovës parasheh një mori veprash penale varësisht nga mënyra e shfrytëzimit të personave qoftë tek trafikimi i qenieve njerëzore qoftë keqpërdorimi seksual dhe këto konsiderohen kategori të ndjeshme që hyjnë në kuadrin e personave të ndjeshëm me fëmijët dhe të moshuarit edhe kategoria e personave me aftësi të kufizuar mendore dhe në këtë rast ligji parasheh dënime më të larta për ata persona të cilët abuzojnë i shfrytëzojnë i keqtrajtojnë i torturojnë ose i përdorin për përfitime materiale ose për marrëdhënie seksuale individët e tillë duke ditur që të njëjtit kanë probleme”, ka thënë Bytyqi.
E së për kategori nuk po bëhet mjaftueshëm e thonë edhe nga Qendra për Informim dhe Përmirësim Social.
“Këta individ jetojnë si qytetar të shtresës së dytë në Kosovë për shkak që nuk ka ligje për ta nuk ka siguri për ta edhe nuk është askush që merret me ta sepse ata nuk munden me avoku për vetveten. E janë shumë problem për me dal e me i sfidua strukturat qysh i kanë personat e tjerë. Rrjedhimisht edhe institucionet e kanë shumë ma lehtë veç me harru e mos me u merr me ta me prit deri në momentin që kërset diçka. E mandej qysh ka ndodh edhe në raste tjera veç shkon i institucionalizon i shtinë në psikiatri ose i qon në institutin në Shtime edhe shpresojnë që harrohet kjo punë edhe thu që e kam kry unë këtë punë kjo nuk është problem ajo kujdeset mirë”, shprehet Bind Skeja, drejtor i kësaj qendre.
Kurse sipas sociologut Genc Xërxa, kujdesi ndaj këtyre personave nuk duhet të ju lihet vetëm familjes.
“Nuk jemi ndonjë shoqëri empatike ashtu se i shohim edhe se si bredhin rrugëve pa ndonjë siguri apo një strehim të përhershëm, pra kujdesi shëndetësor apo mjekësor duhet të jetë permanent për ta mos të ju lehet barrë vetëm familjarëve. Duke ditur që familjarët nuk janë ekspert të këtyre lamive pastaj atyre ju rëndohet edhe barra edhe mirëqenia duke mos ditur të ju ofrojnë më të mirën e tyre”, vlerëson Xërxa.
E një rast i tillë ka ndodhur së fundmi në Kosovë, ku një 31 vjeçare në gjendje jo të mirë mendore dyshohet se është keqtrajtuar e dhunuar me muaj të tërë nga një person që bashkëjetonte me të.
