Dy persona kanë pësuar lëndime trupore si pasojë e një aksidenti që ka ndodhur gjatë ditës së sotme në Çagllavicë të Prishtinës.
Në aksident kanë qenë të përfshira nëntë automjete, ku tri prej tyre kanë qenë në lëvizje dhe gjashtë tjera të parkuara.
Zëdhënësja e Policisë për Rajonin e Prishtinës, Flora Ahmeti, për teve1.info ka bërë të ditur se me rastin po merret njësiti i trafikut.
“Sot rreth orës 15:20 kemi pranuar informatën se në Çagllavicë, ka ndodhur një aksident trafiku. Në këtë aksident kanë qenë të përfshirë, 9 automjete ( tri kanë qenë në lëvizje dhe gjashtë të parkuara). Si pasojë e aksidentit lëndime trupore kanë pësuar 2 persona. Me rastin po merret njësiti i trafikut”, ka thënë ajo. /teve1.info/
