Kanë bërë qindra kilometra për të bërë homazhe në varrezat e fshatit Likoshan.
Familja Kadriu në çdo 28 shkurt marrin rrugën nga Gjermania për të bërë homazhe tek dy djemtë e tyre.
Nesret e Ismet Kadriu nga fshati Çirezë, u vranë nga forca serbe në vitin 1999.
Vëllai i tyre Raif Kadriu, rrëfen me dhimbje.
E babai i tyre nuk pati mundësi të takonte asnjëherë të gjallë dy djemtë e tij, kurse nëna nuk kishte guxim të vizitonte varrin e tyre deri vitin e kaluar.
Në fshatin Likoshan e Çirez në vitin 1998 u vranë 24 civilë të pafajshëm.
Serbët, Xhavit Seferit ia vranë vajzën 11 vjeçare.
Përveç dhimbjes që ka, Seferi shprehet i zhgënjyere me institucionet e vendit.
Vizitë tek varri i djalit e burrit, këtë të mërkurë bëri edhe Fahrie Imeri.
Ajo me dhimbje e kujton djalin e saj i cili vdiq në moshën 19 vjeçare.
Gjatë luftimeve me policinë serbe, në Çirez dhe Likoshan të Drenicës, kanë rënë 4 dëshmorë të UÇK-së, Rexhep Rexhepi, Beqir Rexhepi, Muhamet Gjeli dhe Naser Gjeli.
