Kryeministri i Malit të Zi, Dritan Abazoviç, ka zhvilluar takime edhe me përfaqësues të opozitës teksa po qëndron në Kosovë.
Me LDK-në dhe PDK-në ai tha se bisedoi për dialogun dhe dëshirën që Mali i Zi të ndihmojë në logjistikën e dialogut.
“Me dy partitë më të mëdha politike opozitare, PDK dhe LDK, biseduam për rëndësinë e dialogut ndërmjet Prishtinës dhe Beogradit dhe dëshirën tonë për të ndihmuar logjistikisht në atë drejtim. Ne konstatuam nevojën për një bashkëpunim më të thellë ekonomik dhe kulturor mes dy vendeve”, ka shkruar Abazoviç.
Kryeministri malazez aktualisht është duke zhvilluar takim me presidenten Vjosa Osmani.
