Përfaqësuesi i Posaçëm i Bashkimit Evropian për dialogun, Miroslav Lajçak, tha se me kryeministrin e Kosovës, Albin Kurti ka diskutuar për hapat e mëtejmë të dialogut Kosovë-Serbi, raporton teve1.info
Pas takimit me Kurtin, Lajçak tha para gazetarëve se pas këtij takimi do të shkoj në veri për të diskutuar me qytetarët atje.
“Erdha të diskutoj me kryeministrin Kurti dhe zëvendëskryeministrin Bislimi rrugën përpara drejt normalizimit pas takimit të 2 majit. Është e rëndësishme që ne kemi kuptuar qartë sekuenca të hapave dhe ne kishim një diskutim të rëndësishëm në të gjitha aspektet. Të njëjtin diskutim do ta kem nesër edhe në Beograd”, tha Lajçak.
Mirosav Lajçak po ashtu ka paralajmëruar një takim të hënën,më 15 maj, ndërmjet zëvendëskryeministrit të Kosovës, Besnik Bislimi dhe drejtorit të ashtuquajturës zyrë për Kosovën në Qeverinë e Serbisë, Petar Petkoviq.
Ndërkohë, të premten pritet ta vizitojë Beogradin.
