Deputeti i LDK-së, Avdullah Hoti, tha se pushteti në tendencë për të vu kontroll mbi institucionet e pavarura, i ka lënë pa drejtues shumicën e institucioneve kyçe të vendit, raporton teve1.info
Hoti tha se për t’i hapur rrugë që BQK-në ta drejtoj kryetari i Bordit, nuk janë zgjedhur asnjë nga zëvendësguvernatorët, derisa një ditë para se t’i kaloj mandati Guvernatorit, është sharkuar edhe zëvendësguvernatori i fundit.
“Në tendencën për të vendos kontroll në institucionet që janë të pavarura me Kushtetutë ato janë paralizu dhe pasojat jemi duke i vuajt. BQK është pa Guvernator, procesi i zgjedhjeve të zv.
guvernatorëve është bojkotu nga anëtarët e bordit në vitin 2022. Procesi i zgjedhjes së Guvernatorit u kompromentu në komisionin për buxhet, një ditë pa kalu mandati edhe një UD e zv.guvernatorit u shkarku për t’i hap rrugë që detyrën e Guvernatorit ta ushtroj kryetari i bordit të guvernatorit, ky marifet nuk është parë”, tha Hoti.
Sipas tij, një problem i tillë është edhe me bordin e Trustit pensional të Kosovës.
“Trusti është pa bord nga viti i kaluar, ministri i financave dhe Auditorja e Përgjithshme e ka bojkotu procesion e zgjedhjes së anëtarëve të bordit pa asnjë vërejtje. Qindra miliona euro në tregje financiare nuk ka kush merret me to që të evitohet humbja”, tha Hoti.
Deputeti i LDK-së e përmendi edhe emërimin e Kryeprokurorit të shtetit, për çka tha se po tentohet që kjo pozitë të emërohet politikisht përmes një ligji kundërkushtetues.
“Kryeprokurori i shtetit nuk emërohet me tendencë që përmes atij ligji antikushtetues të zgjedhet dikush jashtëligjshëm me ndikimin e politikës. Ka një vit që presidentja e vendit nuk e kryen punën e saj kushtetuese për ta zgjedh kryeprokurorin”, tha Hoti.
Ai pamendi si institucione pa drejtues aktualisht edhe ATK-në e cila po udhëhiqet me UD, thesarin e shtetit, njësinë për inteligjencë financiare, komisionin për inteligjencë shtetërore etj.
