Janë ngujuar në minierën e Trepçës rreth 40 minatorë për shkak të një defekti me rrymë në ashensorin e Ndërmarrjes, raporton teve1.info
Kryetari i Sindikatës së Trepçës, Brahim Jonuzi, tha për teve1.info se brenda 10 minutave pritet të dalin minatorët përmes një mënyre alternative.
“Brenda 10 minutave fillojnë të dalin minatorët e ngujuar. Gjendja e tyre shëndetësore është e mirë, nuk ka pas ndonjë rrezik për ta, ata kanë qëndruar në zyra vetëm se janë të lodhur sepse qe 12 orë e kanë përfunduar ndërrimin”, tha ndër të tjera Jonuzi.
Sipas tij, 7-8 veta tashmë kanë dalë nga shkallët e minierës, ishin të lodhur por jo me ndonjë problem shëndetësor.
