Adresimi i Zelenskyt do të bëhet në mënyrë virtuale nga ora 14:00.
Ai të hënën ka akuzuar Rusinë se po mundohet t’i fsheh krimet e saj të luftës në Ukrainë, duke u nisur nga masakra e Buchas, ku janë gjetur shumë trupa njerëzish në rrugë pasi që u larguan forcat ruse nga qyteti.
“Ne gjithashtu duhet të jemi të vetëdijshëm se pas vrasjeve masive të zbuluara të civilëve në rajonin e Kievit, pushtuesit mund të kenë një qëndrim të ndryshëm ndaj krimeve të tyre në një pjesë tjetër të vendit tonë ku ata erdhën”, ka thënë udhëheqësi ukrainas.
Ai po ashtu ka bërë thirrje për më shumë sanksione ndaj Rusisë duke thënë se ndëshkimi i saj duhet të jetë “përfundimisht i fuqishëm”.
