Vuçiq tha se tani për tani nuk ka ndonjë mundësi që t’i vihen sanksione Rusisë, raporton “B92” të mërkurën, transmeton teve1.info.
“Çfarë do të ndodhë në të ardhmen? Unë nuk e di se çfarë sjell jeta”, ka thënë ai në një adresim për media në Forumin e Davosit.
Po ashtu, ai ka folur edhe për presionet nga shtetet perëndimore, që sipas tij po bëhen për arsye të sanksioneve ndaj Rusisë.
“Ata (zyrtarët perëndimore v.j.) thonë se cila është ideja e tyre dhe çfarë presin. Por nuk mund të thonë ‘hajde vëni sanksione ose dilni nga këtu’. Nuk shkon kështu. Kështu ka mundur të ndodhë vetëm në kohën kur Serbia nuk ishte shtet”, tha Vuçiq.
Serbia është ndër shtetet e vetme në Evropë që nuk i ka vënë sanksione Rusisë për shkak të luftës që ka nisur në Ukrainë.
