Ministri i Bujqesisë, Faton Peci ka thënë se sot ka vizituar hapësirat e objektit të Ministrisë së Bujqësisë në Ulpianë, derisa ka theksuar se tashmë këto 600 metra katrorë i janë rikthyer Ministrisë së Bujqësisë.
Peci në Facebook tha se së shpejti do të nisë edhe procesi i renovimit, përcjell teve1.info.
“I rikthyem mbi 600 metra katrorë në shërbim të titullarit; Ministrisë së Bujqësisë! Sot vizitova hapësirat e objektit të Ministrisë së Bujqësisë në Lagjen Ulpiana në Prishtinë, ku kemi rikthyer mbi 600 metra katror në shërbim të institucionit. Së shpejti do të fillojmë me procesin e renovimit. Mbetem optimist se instancat e sistemit të drejtësisë do të marrin një vendim meritor që objekti i Ministrisë dhe hapësirat për rreth saj të jenë në shfrytëzim dhe shërbim për titullarin dhe njëherit të mundësohet zbatimi i vendimit tim si Ministër i marrë me datë 22.08.2023”, tha Peci.
Kujtojmë që në këtë objekt është e vendosur selia e Aleancës për Ardhmërinë e Kosovës./teve1.info
