Sipas këtyre burimeve, kandidatët për të parin e UP-së janë: Sefer Avdijaj nga Fakulteti i Shkencave Matematike-Natyrore (FSHMN), But Dedaj nga Fakulteti Ekonomik, Ermir Rugova nga (FSHMN), Qerim Qerimi nga Fakulteti Juridik, Sali Salihu nga Fakulteti i Bujqësisë dhe Ilir Tolaj nga Fakulteti Mjekësisë.
Më datën 21 tetor 2022, Këshilli Drejtues i Universitetit të Prishtinës kishte emëruar si ushtruese të detyrës së rektorit, Luljeta Plakolli-Kasumin, profesoreshë në Fakultetin Juridik.
Konkursi ishte shpallur më 24 tetor 2022 dhe ka qenë i hapur dy javë për aplikim.
Konkursi ishte shpallur pasi më datë 21 tetor 2022, ish rektori Naser Sahiti ishte shkarkuar nga Këshilli Drejtues i UP-së, me arsyetimin se kishte treguar performancë të dobët dhe mospërmbushje të detyrave të menaxhmentit të lartë sipas përcaktimeve të ligjeve dhe Statutit në fuqi.
Meqë rektori nuk kishte marrë pjesë në takimin e Këshillit Drejtues ku ishte ftuar të raportoj për këto gjetje, KD-ja me shumicë të votave (8 vota për dhe 1 abstenim) mori vendim për shkarkimin e Rektorit.
