Kryetari Aleancës për Ardhmërinë e Kosovës, Ramush Haradinaj, gjatë seancës plenare në Kuvend, tha se është koha që tani të bëhet rishikimi i buxhetit për vitin 2023.
“Kemi kohë për zgjidhje të duhura dhe tema që janë në interes të të gjithëve. Vitin e kaluar është implementuar 17 përqind e buxhetit. Edhe këtu ka dinamikë të njëjtë”, është shprehur Haradinaj, përcjell teve1.info.
Madje, Haradinaj shtoi se gjatë kësaj periudhe është rritur “vetëm luksi qeveritar”.
“Qeveria duhet t’i përmbushë detyrat e veta ndaj të punësuarve në sektorin publik. Policia ka kohë që u është hequr rrezikshmëria, por kur duhet të shkojnë në veri, ata shkojnë. Logjika që policët të mos përfshihen është e pakuptimtë. Prandaj qeveria duhet të bëjë plan që buxhetin për paga ta rrisë. E ka mundësinë që këtë ta bëjë përmes rishikimit”, ka theksuar Haradinaj./teve1.info/.
