Ekonomisti, Besnik Avdiaj duke komentuar vendimin e Qeverisë së Kosovës për rritjen e shtesave për fëmijët, ka thënë se duhet të kihen parasysh implikimet buxhetore dhe financiare, që këto vendime i kanë në buxhetin e Kosovës.
Sipas tij, ndarja e këtyre mjeteve duhet të vlerësohet nëse po arrijnë ndonjë efekt.
“Në aspektin e shtesave ne duhet ti kemi parasysh implikimet buxhetore,implikimet financiare që këto vendime i kanë në buxhetin e Kosovës, …, implikimet financiare vjetore sillen në vlera dhjetëra miliona euro në buxhetin e vendit tonë edhe një rishpërndarje e të hyrave buxhetore që ka Kosova institucionet e vendit tonë në forma të tilla jo vetëm tek skemat e mbështetjes së familjeve, pra për fëmijët e tyre këto implikime buxhetore duhet të vlerësohen mirë në mënyrë që të dihet nëse po arrihet efekti i këtyre vendimeve”. është shprehur Avdiaj në emisionin “Ditari” në Tëvë 1.
Kryeministri i Kosovës, Albin Kurti përmes një konference për media bashkë me ministrin e Financave, Hekuran Murati, të enjten kanë njoftuar se Qeveria e Kosovës ka rritur shtesat për fëmijët.
Shtesat për fëmijën e parë dhe të dytë do të jenë nga 20 euro, ndërsa për nënat që kanë tre fëmijë e më shumë shtesat do të jenë 30 euro në muaj për secilin fëmijë.
