Lajmin për Tëvë1 e ka konfirmuar zëdhënësi i policisë për Rajonin e Pejës, Fadil Gashi, i cili bëri të ditur se në aksident kanë qenë të përfshira dy vetura.
Gashi, tutje tha se të lënduarit janë dërguar për tretman mjekësor, ku është konstatuar se njëri nga ta është në gjendje të ndërlikuar, teksa 6 të tjerë kanë pësuar vetëm lëndime të lehta trupore.
“Sot dikur rreth orës 10:45, ka ndodhur një aksident trafiku, ku kanë qenë të përfshira dy vetura në Gllarevë të Klinës. Si pasojë i këtij aksidenti mbetën të lënduar 7 persona. Ata u dërguan menjëherë në tretman mjekësor, e që pastaj u konstatua se njëri nga ta është në gjendje të ndërlikuar, teksa 6 të tjerët kanë pësuar vetëm lëndime të lehta trupore”, tha Gashi për Tëvë1.
