Një vetaksident trafiku ka ndodhur sot rreth mesditës në autostradën në relacionin Mazgit–Trudë, ku është përfshirë një automjet.
Sipas Policisë, një person ka kërkuar ndihmë mjekësore.
Njësia për kontroll në autostrada është duke hetuar rrethanat e aksidentit.
“Sot në mesditë Policia e Kosovës ka pranuar informatën lidhur me një aksident trafiku në autostradë, njësia për kontroll në autostradë iu ka përgjigjur menjëherë informatës dhe ka konstatuar se në autostradë relacioni Mazgit-Trudë, ishte shkaktuar një vet aksident trafiku, ku një automjet ishte i përfshirë, sipas informatave përveç dëmeve materiale një person kishte kërkuar ndihmë mjekësore. Njësia për kontroll në autostrada është duke ndërmarr veprimet e nevojshme për te hetuar rrethanat e tërësishme e këtij vetaksidenti”, ka thënë zëdhënësi i Policisë, Daut Hoxha.
Policia ka bërë të ditur se nga janari deri në gusht të vitit 2026, në aksidente trafiku kanë humbur jetën 79 persona, prej tyre 44 shoferë.
