Përmes një njoftimi në Facebook, Abdixhiku ka bërë të ditur se ka kërkuar nga Partia Popullore Evropiane, të mbështesë dhe të ndihmojë anëtarësimin e Kosovës në Këshillin e Evropës.
“Në mënyrë të veçantë kërkova që, Partia Popullore Evropiane, grupacioni më i madh politik në BE, të mbështesë pa rezervë dhe ndihmojë anëtarësimin e Kosovës në Këshillin e Evropës”, ka shkruar ai,transmeton teve1.info.
Tutje Abdixhiku ka njoftuar se vizitën në Kongresin e Partive Popullore Evropiane e ka filluar me pritjen e Presidentit Donald Tusk, të cilin thotë se e ka njoftuar me zhvillimet politike në vend si dhe me domosdoshmërinë e ecjes së Kosovës drejt familjes euro-atlantike.
“Vizitën në Kongresin e EPP-së (Partive Popullore Evropiane) që mbahet sot dhe nesër në Roterdam, e nisa me pritjen e Presidentit Donald Tusk. Me Presidentin Tusk, një përkrahës i vazhdueshëm i aspiratave shtetërore të Kosovës, biseduam për zhvillimet politike në vend, proceset e LDK-së, si dhe domosdoshmërinë e ecjes së Kosovës drejt familjes euro-atlantike. Presidentin Tusk e falënderova për kontributin e tij të deritanishëm; dhe njëkohësisht i kërkova vëmendjen e vazhdueshme ndaj Kosovës dhe zhvillimeve në rajon”, ka shkruar abdixhiku.
Kryetari i LDK-së, Lumir Abdixhiku, po vazhdon turneun e tij nëpër diasporë ku po zhvillon takime me mërgimtarë dhe me strukturat e partisë së tij në disa shtete të Evropës./Teve1.info
